设置 : 设为首页 | 加入收藏
    更换皮肤:
  •   
  •   
  •   
  •   

名家推介:红魔重见天日卡城有难

发布时间: 2018/12/22 【字体:

红魔重见天日卡城有难

2018/12/22 文:黄兴桂

今晚英超头7场波,只谈近况不论牌面,除咗修咸顿作客哈特斯菲尔德有机会抢分外,其余几场主队赢面可以话係高唱入云,当然更值得着墨嘅,肯定係周日凌晨开波嘅卡迪夫城主场对曼联。

卡迪夫城今次有难了,皆因佢哋要面对刚刚将前领队「寸王」莫连奴扫出门口嘅曼联,一班「红魔」球员如今重见天日,肯定要以好表现摆脱颓势,话畀外界知佢哋本来係识得赢波,只因领队嘅打法唔啱而阻碍咗球员嘅发挥。以笔者几廿年睇波经验所见,有实力嘅球队成绩陷入低迷,好多情况都同教练无法控制球员有关,士气同更衣室失控,绝对是足球场上嘅兵家大忌。

今晚曼联改由前名宿苏斯克查接手,众将必定打争气波,「红魔」威力随时返晒嚟,所以我对曼联今场作客取胜相当有信心。相反卡迪夫城认真唔好彩,如果莫连奴继续在位,呢支威尔斯球队都仲有抢分机会,如今时移世易,情况唔同晒,宁愿睇好曼联成功翻身踢出好成绩。

今晚英超头七主胜机高,尾场卡城对红魔就难咯