设置 : 设为首页 | 加入收藏
    更换皮肤:
  •   
  •   
  •   
  •   

名家推介:拆礼物日红色势力反弹时

发布时间: 2018/12/26 【字体:

拆礼物日红色势力反弹时

2018/12/26 文:黄兴桂

今晚拆礼物日英超好波连场,笔者一向是其是、非其非,唔用「赢面较高」呢类模稜两可嘅字眼,由于前6强队今晚嘅对手实力偏弱,所以赢波机会高唱入云。

曼联阿仙奴都有起色

如果有留意英超嘅球迷,不难发现近年全是「蓝色的天空」,从2014年起,最终成为冠军嘅曼城(2次)、车路士(2次)及李斯特城,全部都係着蓝衫,传统嘅红色势力曼联、阿仙奴及利物浦相形见绌。当然相比之下,利物浦喺高普领导下已逐渐走出谷底,上届杀入欧联决赛,今季喺联赛又领导群雄,仲係唯一不败之师,自从1992年英超后,红军从未染指过冠军,佢哋恨捧杯恨到发烧,难怪今季咁抢缰。

曼联本身实力冇问题,但前主帅摩连奴神憎鬼厌,搞到内部士气低落,变成无兵司令,冇人为佢卖命,落得被炒收场,如今苏斯克查接手,上仗即大炒卡迪夫城5比1,1场胜仗唔代表「苏B」有几叻,但肯定佢能够令众将团结一致,此乃反弹先兆。至于阿仙奴算係成功过渡后云格时期,西班牙籍教头艾美利擅于调整及作出针对性部署,与云格过于自由发挥比较,球员获得更清晰指令,表现自然较好。来到拆礼物日,随时係英超「叁红」反弹嘅开始。