设置 : 设为首页 | 加入收藏
    更换皮肤:
  •   
  •   
  •   
  •   

名家推介:快车尾站红魔红军玩过关

发布时间: 2019/1/2 【字体:

快车尾站红魔红军玩过关

2019/01/02 文:黄兴桂

啱啱踏入2019年,笔者先喺度祝各位读者新年快乐。话咁快圣诞新年快车嚟到尾声,亦係好戏在后头,分别係今晚纽卡素对曼联,以及听晚榜首大战─曼城硬撼利物浦,认真精彩。

近期英超热门话题,梗係曼联在苏斯克查上任后全面复甦,连赢3场士气大振,当然依家去评论「苏B」係咪咁有料到,亦言之尚早,但佢带领红魔打出久违了嘅攻势足球,净係呢点已经赢尽民心,造访纽卡素应可乘胜追击。另一支红衣球队利物浦,更加得人惊,自从去年12月头打吡战小胜爱华顿,到欧联击煺拿玻里涉险过关,跟住喺年尾最后一仗反胜阿仙奴5比1,各项赛事连赢8场,现时士气、信心爆晒棚。

天助利物浦赢埋曼城

踢波唔单止係讲实力,气势亦好紧要,因为连场报捷下,通常会愈踢愈顺,顺起上嚟嗰阵,甚至连好运都会跟住你,好似上仗大胜阿仙奴之役,红军两次获得12码,相反阿仙奴球员亦有两次喺禁区被侵犯,但都未获判极刑,可见红军连运都赢埋。虽然曼城绝非善男信女,上仗亦击败修咸顿止血,但之前一不小心两连败,被甩开7分,真係连个天都帮埋利物浦,食住个势今仗赢埋唔奇,不妨将红魔客胜同红军客胜,整条过关二串叁。