设置 : 设为首页 | 加入收藏
    更换皮肤:
  •   
  •   
  •   
  •   

名家推介:苏B哥有品好运自然来

发布时间: 2019/1/27 【字体:

苏B哥有品好运自然来

2019/01/27

曼联自改由苏斯克查出任看守领队,极速反弹,连埋昨晨英足杯作客以3比1淘汰阿仙奴后,豪取8连胜。虽然好多人都事后孔明,话早知就早啲炒咗摩连奴,畀苏B哥接手,可能成绩更好,不过呢个世界係冇早知,依家怨摩佬係冇意思,更何况苏B哥嚟到嘅时间係啱啱好。

首先,苏斯克查唔係白纸一张,既有执教莫迪勇夺挪超冠军嘅经验,亦有中途接手卡迪夫城失败嘅教训,而且球员时代效力曼联多年,熟悉球队文化,更加容易上手。大家觉得红魔炒摩佬炒得迟,但正因如此,先令苏B哥领军头几场只对卡迪夫城、哈特斯菲尔德、般尼茅夫等偏弱球队,造就佢开个靓头,球员亦慢慢有番信心,踢波除咗讲实力之外,气势亦好重要,食住头几场赢波嘅势头,之后再战胜强队热刺及阿仙奴,若果掉番转先对劲旅,就未必连场报捷。

除此之外,苏B哥今仗见到阿仙奴中坚柏柏斯达夫普路斯受伤,即叫左闸劳基梳尔将个波踢出界,让对手治理伤势,喺呢啲细微位,亦睇得出苏B哥点样教导球员,始终山水有相逢,无谓喺球场上结怨。有料又有品,难怪好运都跟住苏B哥喇。