设置 : 设为首页 | 加入收藏
    更换皮肤:
  •   
  •   
  •   
  •   

名家推介:曼市双雄抢送压岁钱

发布时间: 2019/2/3 【字体:

曼市双雄抢送压岁钱

2019/02/03 文:黄兴桂

上周中英超快车多场爆冷,其中曼市双雄齐齐失分,弗到震嘅曼联只能逼和般尼2比2,曼城更加以1比2反输畀纽卡素,但佢哋各有目标,预计会一齐赢波反弹。

苏B揸旗红魔斗心强

先讲头场曼联作客李斯特城,虽然红魔上仗意外和波,但查实佢哋去到81分钟落后到0比2,竟然喺末段连追两粒,算係有尾运,其中域陀连迪路夫扳平后即刻拎住个波,急急叫队友跑番去中圈,可见佢哋仍有想赢波嘅决心,儘管最终失分收场,不过士气未减,证明在苏斯克查领军之后,众将斗心远胜摩连奴时期。而且8连胜断缆,既可让红魔减减压,亦能让佢哋望清楚连胜所掩盖嘅问题,绝非坏事,今仗造访表现飘忽嘅「狐狸」,可赢波而回。

至于尾场曼城主场迎战阿仙奴,「蓝月亮」爆大冷输畀纽卡素,不过「1哥」利物浦喺上周中快车亦只能赛和李斯特城1比1,因此只被甩开少少至落后5分,而非7分,算係不幸中之大幸,令佢哋争冠尚未断气。

另一边厢,阿仙奴仍处于动盪时期,攻守不平衡表现反反覆覆,曼城吸取上场赛事轻敌导致反胜为败嘅教训后,今仗应该唔会再大意,不妨整条曼市双雄W过关2串1,临近岁晚赢番啲压岁钱过年。