设置 : 设为首页 | 加入收藏
    更换皮肤:
  •   
  •   
  •   
  •   

名家推介:热血打吡冇高低之分

发布时间: 2019/3/3 【字体:

热血打吡冇高低之分

2019/03/03 文:黄兴桂

今晚3场英超,最瞩目梗係尾场默西赛德郡打吡──爱华顿主场对利物浦。呢类同市打吡战,无论两军边队排名较高、对赛往绩等数据,统统都可摆埋一边,因为大家都唔想失威,势必打甩门牙带血吞,热血到晕冇高低之分,就係打吡战好睇之处。

李城新帅效应唔衰得

虽然利物浦喺上周中英超快车大胜屈福特5比0,只不过踢波一场还一场,睇番首循环喺主场佢哋都係险胜1粒,可见默郡打吡唔易打,而且前锋罗拔图法明奴应该唔出得,后备嘅奥历治能否担到大旗呢?实属疑问。爱华顿既有主场之利,每逢打吡都战意爆灯,我觉得今仗都係和味浓。

至于早场屈福特主场对「狐狸」李斯特城,啱啱先提到屈福特上周中先吞咗5蛋,最重要係「狐狸」有新帅效应。上周中罗渣士喺看台亦睇住新东家李城赢白礼顿,证明不得民心嘅领队佩尔被炒后,班波士气返晒嚟,相信新帅效应可维持一段时间,何况今仗係罗帅接手后首度领军,众将更会加多两钱肉紧,至少能打和全身而煺。(Now 621周日晚8时直播)不如将呢场串埋默郡打吡,整条和波过关2串3。